Раштав уйӑхӗн 24-мӗшӗнче Трак ен - Красноармейски муниципалитет округӗ Нестер Янкас ячӗллӗ культурӑпа искусство тата литература пӗрлӗхӗ хӑй 35 ҫул тултарнине паллӑ турӗ. Ҫак кун 2024 ҫулшӑн паракан Нестер Янкас ячӗллӗ Премийӗн ҫӗнӗ лауреачӗсене чысларӗҫ. Вӗсем ҫаксем:
1. Чӑваш Республикин Цифра аталанӑвӗпе информаци политикин тата массӑллӑ коммуникацисен министерствин «Хыпар» издательство ҫурчӗ» хӑй тытӑмлӑ учрежденийӗн филиалӗ – «Ял пурнӑҫӗ» Красноармейски район хаҫачӗн редакцийӗ Красноармейски муниципалитет округӗн экономикӑпа социаллӑ политика аталанӑвне ҫӗклеме сумлӑ тӳпе хывнӑшӑн тата хаҫатӑн пӗрремӗш номерӗ тухнӑранпа 90 ҫул ҫитнӗ май тивӗҫнӗ. Лауреат ятне пама Чӑваш Республикин Цифра аталанӑвӗпе информаци политикин тата массӑллӑ коммуникацисен министерствин «Хыпар» издательство ҫурчӗ» хӑй тытӑмлӑ учрежденийӗ тӑратнӑ.
2. Афанасьева Любовь Владимировна, юрӑ-кӗвӗ тӗнчинче ырми-канми тӑрӑшнӑшӑн, чӑваш юррине халӑх хушшинче анлӑ сарнӑшӑн тата 2024 ҫулта пултарулӑх ӗҫӗнче пысӑк ҫитӗнӳсем тунӑшӑн тивӗҫнӗ. Лауреат ятне пама Красноармейски муниципалитет округӗнчи Кӗҫӗн Шетмӗ территори пайӗн Кану центрӗ тӑратнӑ.
Шупашкарта пӗр ҫамрӑк Иван Яковлев проспектӗнчи видеосӑнав камерине ватнӑ.
Полици ӗҫченӗсем ушкӑнри мӗн пур яша тупса палӑртнӑ. Камерӑна ватаканни Красноармейски районӗнчи 16 ҫулти ҫамрӑк пулнӑ. Вӑл Шупашкарти техникумсенчен пӗринче пӗрремӗш курсра вӗреннӗ. Унччен яш йӗрке хуралҫисен куҫӗ тӗлне лекмен. Халӗ ун тӗлӗшпе административлӑ ӗҫ пуҫарнӑ. Каччӑн ашшӗне ывӑлне тивӗҫлипе воспитани паманшӑн явап тыттарнӑ.
Чӑваш Енри тата тепӗр икӗ ҫынна «Чӑваш Республикин культурӑн тава тивӗҫлӗ ӗҫчӗнӗ» ята тивӗҫнӗ.
Вӗсенчен пӗри — Вӑрнар районӗнчи тӗп клуб тытӑмӗн директорӗ Светлана Журавлева. Хисепе тивӗҫнӗ тепӗр ҫын вара — Красноармейски тӑрӑхӗнче вырнаҫнӑ магистральлӗ газ пӑрӑхӗсен Заволжски производство управленийӗн культорганизаторӗ Елена Тюмерова.
Кӗҫӗр республикӑра ҫил вӑйланнӑран темиҫе округри ялсем электричествӑсӑр тӑрса юлнӑ: Муркаш, Сӗнтӗрвӑрри, Шупашкар, Шӑмӑршӑ, Елчӗк, Красноармейски районӗсенче. Пӗтӗмпе 8,2 пин ҫын ҫутӑсӑр юлнӑ. Ку – ирхи 6 сехет тӗлне. Хальхи вӑхӑтра 6 бригада, 18 ҫын, 6 техника ӗҫлеҫҫӗ.
«Чӑваш Енри ҫанталӑк» проект авторӗ Владимир Михайлов пӗлтернӗ тӑрӑх, шӑматкун каҫхине ҫил каллех вӑйланӗ. Тунтикун кӑна лӑпланӗ.
Красноармейски округӗнче ЗАГС ӗҫченӗсес хӑйне евӗрлӗ ят регистрациленӗ: Каллиста. Хӗр пӗрчи чӳк уйӑхӗн 13-мӗшӗнче ҫут тӗнчене килнӗ.
Каллиста Пикшик ял тӑрӑхӗнче пурӑнакан Елисейпа Светлана Филипповсен ҫемйинче ҫуралнӑ. Ҫак ят амӑшне тӗлӗкре тӗлленнӗ-мӗн.
Каллиста авалхи грек чӗлхинчен куҫарсан «чи хитри» тесе куҫать.
Нестер Янкас ячӗллӗ пӗрлӗх 2024 ҫулшӑн литературӑпа искусство тата культура аталанӑвӗнче палӑрнисене Красноармейски муниципалитет округӗн Нестер Янкас ячӗллӗ преми лауреачӗн ятне парассипе ҫыхӑннӑ сӗнӳсене йышӑнма тытӑнать. Кӑҫал ҫак ӗҫ 2024 ҫулхи раштав уйӑхӗн 22-мӗшӗччен пырать, мӗншӗн тесен Трак енре асӑннӑ пӗрлӗх йӗркеленнӗренпе шӑп 35 ҫул ҫитет. Уяв ячӗпе ҫак кун Культура ҫуртӗнче лауреатсен пысӑк концерчӗ пулать тата ҫӗнӗ лауреатсене чыслаҫҫӗ.
Кашни ырӑ япала, пултарулӑх хӑйӗн хакне тивӗҫлех. Конкурса иртсе каякан ҫулта литературӑпа искусство тата культура шайӗнче Трак тӑрӑхӗшӗн ырми-канми ӗҫленӗ, вулакансемшӗн, куракансемшӗн уҫӑмлӑ, чун-чӗрене ҫывӑх пысӑк пӗлтерӗшлӗ сцена ӗҫӗсемпе, юрӑ-кӗвӗсемпе, куравсемпе, кӗнекесемпе, ытти литература ӗҫӗсемпе савӑнтарнӑ, хавхалантарнӑ ентешӗмӗрсем хутшӑнасса шанатпӑр эпир.
Пулас лауреатсен ӗҫ-хӗлне коллективсенче тишкерсе тухмалла, документсене тӑратса Нестер Янкас ячӗллӗ пӗрлӗх правленийӗн (канашӗн) ларӑвӗнче пӑхса тухса пӗтӗмлетмелле, ӑна Нестер Янкас ячӗллӗ пӗрлӗхӗн наградӑсем паракан комиссин пӑхса тухса ҫирӗплетмелле.
Ял хуҫалӑхӗ енӗпе ӗҫлӗнӗ чи лайӑх муниципалитетсене палӑртнӑ. Вӗсем – Красноармейски, Шупашкар тата Муркаш округӗсем.
Чи лайӑххисене палӑртнӑ чухне ял хуҫалӑхӗнче ӗҫлекенсен йышне, суту-илӳри тупӑша, тыр- пул тухӑҫне, выльӑх-чӗрлӗх йышне шута илнӗ. Сӗт суса, аш туса илессине те шута илнӗ.
Ҫак виҫӗ муниципалитета 150-шар пин тенкӗ парӗҫ. Ку, укҫапа территорисене хӑтлӑлатӗҫ.
Паян Красноармейски округӗнчи Яманак ялӗнче пурӑнакан Анастасия Васильевна Викторова 100 ҫул тултарнӑ. Юбилейпа саламлама ӑна ЧР вӗренӳ министрӗ Дмитрий Захаров, Краснаормейски округӗн администрацийӗн пуҫлӑхӗ Павел Семенов саламлама килнӗ.
Анастасия Васильевна пурнӑҫне вӗрентӗвӗ, ачасене воспитани парассине халаллани Чӑваш халӑх сайчӗ маларах пӗлтернӗччӗ-ха. Шкулта вӑл 70 ҫул тултариччен ӗҫленӗ. Унӑн стажӗ – 42 ҫул.
Паян, чӳк уйӑхӗн 1-мӗшӗнче, Шупашкарта пурӑнакан Анастасия Викторова 100 ҫул тултарнӑ.
Кинемей Красноармейски районӗнчи Яманак ялӗнче 1924 ҫулхи чӳк уйӑхӗн 1-мӗшӗнче ҫуралнӑ. Вӑл Тӑван ҫӗршывӑн аслӑ вӑрҫин ветеранӗ, тӑлӑх салтак арӑмӗ.
Анастасия Васильевна 7 класс вӗренсе пӗтерсен Ҫӗрпӳри педагогика училищине вӗренме кӗнӗ. 1943 ҫулта шкулта ӗҫлеме тытӑннӑ, тӑван колхоза та пулӑшнӑ. Ӗмӗрне Яманакри шкулта пуҫламӑш класс ачисене вӗрентсе ирттернӗ. Ҫав енӗпе вӑл 42 ҫул тӑрӑшнӑ.
Виҫӗ ача амӑшне паян виҫӗ мӑнук, мӑнукӗн 5 ачи савӑнтараҫҫӗ.
Паян Чӑваш Ен Правительствинче ял хуҫалӑхӗнче тата агропромыгшленность комплексӗнче ӗҫлекенсене иртсе кайнӑ професси уявӗпе чысланӑ.
Республика Элтеперӗ Олег Николаев тухӑҫлӑ ӗҫленӗ муниципалитетсене чысланӑ. Кӑҫал ку енӗпе Красноармейски, Шупашкар тата Муркаш округӗсем палӑрнӑ. Вӗсене 150-шар пин тенкӗлӗх сертификатсем панӑ.
Агропромышленноҫӗнче тӑрӑшакан уйрӑм ҫынсене илсен, «Вурнарец» обществӑн генеральнӑй директорне Алексагдр Макулина тата «Мураты» кооператив генеральнӑй директорне Геннадий Спиридонова «Раҫҫей Федерацийӗн ял хуҫалӑхӗн тава тивӗҫлӗ ӗҫченӗ» ят панӑ.
«Чӑваш Республики умӗнчи тава тивӗҫлӗ ӗҫсемшӗн» орденпа ял хуҫалӑх министрне Сергей Артамонова, «Ядринмолоко» президентне Николай Малова, «Батыревский» общество директорне Петр Ялукова чысланӑ.
+10.3 °C